Bəhreyn Daxili İşlər naziri Rəşid bin Abdullah əl-Xəlifə ölkədəki neft boru kəmərində baş verən partlayışı terror aktı kimi qiymətləndirib.
VOİCEPRESS xəbər verir ki, Bəhreyn DİN-dən verilən açıqlamada partlayış baş verən neft kəmərində araşdırma aparıldığı bildirilib.
“Burada ölkənin mənfəətlərinə zərər verilməsi və xalqın həyati təhlükəsizliyi hədəf götürülüb”, – Xəlifə söyləyib.
Xəlifə həmçinin Bəhreyndə son vaxtlar baş verən teraktların İranın diqtəsi ilə gerçəkləşdirildiyini deyib.
Qeyd edək ki, noyabrın 10-da paytaxt Manamadan 15 km məsafədə yerləşən Buri kəndi ərazisindəki neft boru kəmərində partlayış baş verib.
VOİCEPRESS.AZ
