Neftçalanın Qaçaqkənd sakini Pərvin Səfərov “O səs Türkiyə” mahnı yarışmasında ifası ilə münsifləri heyran edib.
VOİCEPRESS xəbər verir ki, Pərvin Səfərov yarışmada “Nazəndə sevgilim” mahnısını oxuyub. Həmyerlimizin ifasını bəyənən Hadisə, Murad Boz və Hakan yarışmanın şərtlərinə uyğun olaraq ona tərəf dönüblər.
Layihənin rəhbəri Acun İlıcalı Pərvinin çoban olduğunu bildirib və onun səsini bəyəndiyini, şəxsən yarışmaya qatılmağa dəvət etdiyini vurğulayıb.
Qeyd edək ki, Pərvin Səfərov bir müddət əvvəl sosial şəbəkədə yayılan bir ifasından sonra məşhurlaşmışdı.
VOİCEPRESS.AZ
