VOİCEPRESS.AZ El Mundo-ya istinadən bildirir ki, son rabitə seansı zamanı qayığın kapitanı “San Juan”da akkumulyator batareyaları ilə bağlı problem yarandığını bildirmişdi. Bundan sonra “San Juan”a paytaxt Buenos-Ayresdən 44 km cənubdakı Mar del Plata limanına yollanmaq əmr olunmuşdu.
44 nəfərlik heyəti olan qayıq Almaniyada inşa olunub və 1985-ci ildən bəri Argentinanın HDQ-nin tərkibindədir. Uzunluğu 66 metr olan qayıq 25 knot/saat sürətə malikdir.
Dünən “San Juan”ın yoxa çıxdığı bölgədə saltı səslər qeydə alınıb.
HDQ-nin yetkilisi Enrike Balbinin dediyinə görə, səslər sualtı qayığa aid deyil.
Həmin səsləri “San Juan”ın axtarışlarında iştirak edən iki gəmi sahildən 360 km aralıda, sualtı yamacda qeydə alıblar.
“San Juan” sualtı qayığı noyabrın 15-də yoxa çıxıb. Hərbi ekspertlərin dediklərinə görə, qayıqda olan oksigen ehtiyatı bu gün bitəcək.
Hazırda sualtı qayığın axtarışlarında Çili, Uruqvay, Peru, Braziliya, Britaniya və ABŞ da iştirak edir.
ABŞ axtarışlara Antarktidada elmi tədqiqatlarda istifadə olunan NASA P-3 Orion və “sualtı qayıq ovçusu” adlandırılan P-8A Poseidon təyyarələrini, Britaniya isə HMS Protector qütb gəmisini yollayıb.
VOİCEPRESS.AZ
