ABŞ-ın müttəfiqlərinin silah arsenalını artırması rəsmi Vaşinqtonu narahat edən məsələlərdəndir.
VOİCEPRESS xəbər verir ki, bu sözləri Rusiyanın Strateji və Texnoloji Analitika Mərkəzinin rəhbər müavini Konstantin Makiyenko Türkiyə və Səudiyyə Ərəbistanının S-400 raket sistemi ilə bağlı həmlələrini şərh edərkən deyib.
“Əlbəttə, amerikalıların bundan xoşu gəlmir. Onlar ənənəvi olaraq Rusiyanın bütün silah müqavilələrini pozmağa çalışırlar. 1994-cü ildə MİQ təyyarələrinin Malaziyaya satılmasının qarşısını almaq üçün çalışdılar. O tarixdən bəri hədəfləri budur. Həm Ankaranın, həm də Ər-Riyadın S-400 sistemlərini alması onların Rusiyaya olan hörmət və ehtiramının göstəricisidir”, – ekspert bildirib.
Qeyd edək ki, Səudiyyə Ərəbistanı və Türkiyə hökumətləri Rusiyadan S-400-ün alışı ilə bağlı ilkin razılığa gəliblər.
VOİCEPRESS.AZ
