Ukraynanın şərqindəki hərbi əməliyyatlara rəhbərlik Ukrayna qəhrəmanı, general-leytenant Mixail Zabrodskiyə tapşırılıb.
VOİCEPRESS xəbər verir ki, bu barədə Ukrayna Müdafiə Nazirliyinin Anti-terror əməliyyatları (ATO) məsələləri üzrə rəsmi nümayəndəsi Andrey Lısenko danışıb.
Lısenko Zabrodskinin təyinatının planlaşdırılmış rotasiya qaydasına uyğun şəkildə olduğunu bildirib.
Qeyd edək ki, Zabrodski bu vəzifədə Quru Qoşunları komandirinin birinci müavini, general-leytenant Aleksandr Lokotanı əvəz edib. General-leytenant Zabrodski Donbasda döyüşlərdə iştirak edib, Ukraynanın Qəhrəmanı adına layiq görülüb. Onun rəhbərliyi altında Ukrayna ordusu strateji əhəmiyyətli Karaçun dağını ələ keçirə və burada möhkəmlənə bilib.
VOİCEPRESS.AZ
