Türkmənistanın keçmiş baş prokuroru Amanmurad Xallıyev həbs olunub.
VOİCEPRESS xəbər verir ki, bu barədə informasiyanı “Azadlıq” radiosunun Türkmənistan bölməsi yayıb.
Qeyd edək ki, mayın 4-də Türkmənistan Təhlükəsizlik Şurasının iclası keçirilib və Prezident Qurbanqulu Berdıməhəmmədov hüquq mühafizə orqanlarındakı korrupsiya faktlarına görə sərt çıxış edib. Prezident iclasda baş prokuroru korrupsiyaya qarşı acizlikdə günahlandırıb. O, Daxili İşlər naziri İsgəndər Mulikova şiddətli töhmət elan edib, baş prokuror və 9 rayon prokurorunu işindən uzaqlaşdırıb.
İclasdan dərhal sonra Xallıyev ev dustaqlığına məhkum edilib, bir neçə gün sonra isə həbs olunub. Xallıyevlə bərabər, daha 50 nəfər polis tərəfindən saxlanılıb.
VOİCEPRESS.AZ
