Suriya kürdlərinin YPG qruplaşması ABŞ-dan ən müasir silahlar alıb.
VOİCEPRESS xarici KİV-ə istinadən xəbər verir ki, Donald Trampın göstərişi ilə YPG-yə “Hammer” avtomobilləri, tanklar, minomyotlar, lazer nişangahlı raketlər və s. verilib.
Texnika və silahlar İraq Kürdüstanın ərazisindən Semalka sərhəd-keçid məntəqəsində Suriyaya daxil edilib və Rojava regionuna gətirilib. Burada texnikanın bir hissəsi Kobani, digər hissəsi isə Raqqanı mühasirədə saxlayan YPG dəstələrinin arsenalına verilib.
Xatırladaq ki, Türkiyə YPG-ni PKK ilə sıx əlaqədə olan terror təşkilatı adlandırır. Lakin rəsmi Vaşinqton YPG-ni İŞİD-ə qarşı vuruşan ən effektiv müttəfiqi hesab edir və ona dəstək göstərir.
VOİCEPRESS.AZ
