Azərbaycan, Rusiya, Türkiyə və İran informasiya texnologiyaları sahəsində əməkdaşlığı genişləndirmək niyyətindədir.
Bunu VOİCEPRESS.AZ-a açıqlamasında Bakıda səfərdə olan İranın rabitə naziri Məhəmməd Cavad Cəhromi deyib.
Onun sözlərinə görə, Azərbaycana səfər etməkdə məqsədi təkcə ikitərəfli deyil, həm də çoxtərəfli əlaqələri genişləndirməkdir.
“Azərbaycan, Rusiya, Türkiyə və İranın nazirlərinin birgə iclası keçiriləcək. Türkmənistanda olarkən 4 nazir qərara gəlmişik ki, ölkələrimizin informasiya texnologiyaları və startuplar sahəsində əməkdaşlığını genişləndirək. Bu əməkdaşlıqda hədəfimiz daha böyük bazar əldə etməkdir. Bu gün “Bakutel-2018” sərgisi çərçivəsində görüş keçiriləcək və konkret təkliflərlə çıxış edəcəyik”, – deyə o, qeyd edib.
VOİCEPRESS.AZ
