“Türkiyənin suriyalı qaçqınları qəbul etməsi tərəfimizdən təqdir edilir. Güman edirik ki, onlar Suriyaya qayıtdıqdan sonra ölkələrinin inkişafına töhfə verə biləcəklər”.
VOİCEPRESS-in yerli bürosunun xəbərinə görə, bunu Türkiyədə səfərdə olan Almaniya kansleri Angela Merkel deyib.
A. Merkel Türkiyə Prezidenti Rəcəb Tayyip Ərdoğanla birlikdə Türk-Alman Universitetinin kampusunun açılış mərasimində iştirak edib.
Almaniya kansleri qeyd edib ki, bu universitet iki ölkə arasında bilik xəzinəsi hesab edilə bilər.
“Universitet məzunlarının Almaniya və Türkiyə arasında əməkdaşlığın genişlənməsində böyük rol oynayacağına ümid edirəm”, – deyə o vurğulayıb.
