ABŞ-a viza almaq üçün son 5 ildə sosial şəbəkələrdəki informasiyaların linklərini və son 15 ildəki tərcümeyi-halı təqdim etmək lazım gələcək.
VOİCEPRESS xəbərinə görə, prezident Donald Trampın administrasiyasının təsdiq etdiyi yeni qaydalar bunu nəzərdə tutur.
Tənqidçilərin fikrincə, bu qaydalar viza istəklərinin işlənməsi zamanı gecikmələrə səbəb olacaq, nəticədə ABŞ-a əcnəbi tələbə və alimlərin cəlb edilməsinə mane olacaq. Çünki ABŞ-a viza almaq proseduru onsuz da mürəkkəb idi.
Yeni qaydalara uyğun olaraq konsulluq əməkdaşları pasportların əvvəlki nömrələrini, son 5 ildəki sosial şəbəkə akkauntlarını, elektron pomt ünvanlarını və telefon nömrələrini, eləcə də son 15 ildəki tərcümeyi-halı – yaşayış-iş yerlərini və səyahət marşrutlarını soruşa bilər.
VOİCEPRESS.AZ
