Prezident bir sıra ABŞ KİV-lərini “xalq düşməni” adlandırıb
Amerika Birləşmiş Ştatları (ABŞ) prezidenti Donald Tramp bir sıra KİV-ləri “xalq düşməni” adlandırıb. VOİCEPRESS-in xəbərinə görə, o, bu barədə özünün “Tvitter” hesabında yazıb. “The New York Times qəzeti, NBC, ABC, CBS, CNN telekanalları mənim deyil, Amerika xalqının düşmənləridir”, Tramp qeyd edib.
Bundan əvvəl Donald Tramp dəfələrlə KİV-ləri onun fəaliyyətini qərəzli işıqlandırmaqda ittiham edərək, sərt tənqid atəşinə tutub, rüşvətxor adlandırıb. “KİV əməkdaşlarından daha çox rüşvətxor heç kim yoxdur. Hamısı olmasa da, əksəriyyəti elədir. Onlar – korrupsiyalaşmış bir qrupdur”, – bu barədə Tramp ötən ilin oktyabrında Floridada tərəfdarları ilə seçkiqabağı görüşdə bildirmişdi.
VOİCEPRESS.AZ
