Türkiyədə qətlə yetirilən səudiyyəli jurnalist Camal Qaşıqçının həyatının son dəqiqələrində olan danışığı yayılıb. VOICEPRESS.AZ xəbər verir ki, bu barədə materialı “Əl-Cəzirə” telekanalına Türkiyənin “Daily Sabah” qəzetinin müxbiri Nazif Karaman ötürüb.
Yayılan audioyazıdan bəlli olur ki, Qaşıqçı həyatının son dəqiqələrində bu cümləni işlədib: “Boğuluram… Bu çuvalı başımdan çıxarın, klaustrofobiyam var”.
Karaman bildirib ki, jurnalistin qətli 7 dəqiqə davam edib.
Onun sözlərinə görə, tezliklə “Daily Sabah” sözügedən audioyazıdan parçaları yayacaq.
Qeyd edək ki, Camal Qaşıqçı oktyabrın 2-də nişanlısı ilə Səudiyyə Ərəbistanının İstanbuldakı konsulluğuna gedib. Saat 13.14-də binaya daxil olan jurnalist bir daha oradan çıxmayıb.
VOICEPRESS.AZ
