Misir parlamentinin Konstitusiya və qanunvericilik işləri üzrə komitəsi Qırmızı dənizdə iki adanın Səudiyyə Ərəbistanına verilməsi barədə qərarı təsdiq edib.
VOİCEPRESS bildirir ki, təsdiq edilən qərara əsasən, Tiran və Sənafir adalarının Ər-Riyada verilməsi nəzərdə tutulur.
Bundan sonrakı mərhələdə həmin məsələ parlamentin ümumi iclasında səsverməyə çıxarılacaq.
Qeyd edək ki, bu məsələ ilə bağlı Misirlə Səudiyyə Ərəbistanı arasında dəniz sərhədinin demarkasiyası barədə saziş ötən il imzalanıb.
Adaların tarixi mənşəyinə gəlincə, Tiran və Sənafir mübahisəli adalardır.
VOİCEPRESS.AZ
