Türkiyənin məşhur opera və vokal sənətçisi Oya Ərgün Azərbaycan və türk rəssamlarının əsərlərinin nümayiş olunduğu “Rənglərin qardaşlığı” adlı sərginin açılışına qatılıb.
VOİCEPRESS xəbər verir ki, Muzey Mərkəzində keçirilən gecədə konsert proqramı ilə çıxış edən sənətçini pianoda Nərgiz Əliyeva müşayiət edib. O.Ərgün sevilən ifalarını səsləndirib və çıxışında rəssamlara ürək sözlərini deyib:
“İncəsənət bütün xalqları birləşdirir. Sərgidə iştirak edən rəssamları təbrik edir və fəaliyyətlərində uğurlar arzu edirəm”.
Qeyd edək ki, “Rənglərin qardaşlığı” adlı sərgi Türkiyənin Azərbaycandakı səfirliyinin təşkilatçılığı ilə baş tutub. Gecədə tanınmış sənətçilər, rəsmilər iştirak ediblər.
VOİCEPRESS.AZ
