Ukraynanın Ankara Səfirliyi, məşhur türkiyəli sənətçi Haluk Leventə Kırım türkü sənətçi Camala ilə ortaq konsert təklifi edib.
Voicepress.az xəbər verir ki, Səfirliyin “Tvitter” hesabından paylaşılan mesajda Haluk Leventə yardım kampaniyası üçün konsert təklifi edilib: “Avroviziya-2016-nın qalibi Camala, Rusiyanın davam etdirdiyi müharibə səbəbindən iki övladı ilə birlikdə Türkiyəyə gəldi. Ukrayna xalqı üçün başlatdığımız yardım kampaniyamıza dəstək olmaq və Camala ilə birlikdə sülh və azadlıq mahnıları söyləmək istəyərsinizmi?
Haluk Leventin edilən təklifə cavabı gecikmədi və sənətçi: “Tvitter”də etdiyi paylaşımında : “Şübhəsiz! Sevə-sevə. Həm Ukrayna xalqı üçün söyləməliyəm. Həm də ikiüzlü qərbin unutduğu Orta Şərq xalqları üçün söyləməliyəm. Məkan da Fələstin olmalıdır. Mahnılar insanlar arasında ayrı-seçkilik etməz. Mahnılar sərhədd tanımaz. Məncə bu konsert çox möhtəşəm olacaq” şərhini yazdı
Qeyd edək ki, ötən həftə Haluk Levent Ukrayna üçün 5 TIR yardım göndərib.
