Oktyabrın 3-də saat 06:48 radələrində Amerika Birləşmiş Ştatlarının “911” çağrı mərkəzindən Azərbaycan Respublikası Dövlət Dəniz Administrasiyasının Uzaq Məsafədən Tanınma və İzləmə Milli Mərkəzinə Şamaxı rayonunda dağlıq ərazidə “Nissan Patrol” markalı iki avtomobildə qalan xarici vətəndaşların köməyə ehtiyacı olması barədə məlumat daxil olub.
Dövlət Dəniz Administrasiyasının mətbuat xidmətindən Axar.az-a verilən məlumatda bildirilib ki, yardıma ehtiyacı olan şəxslər barədə məlumat və onların yerləşdiyi ərazinin koordinatları dərhal Fövqəladə Hallar Nazirliyinin “112” zəng mərkəzinə ötürülüb.
Fövqəladə Hallar Nazirliyinin (FHN) Mülki Müdafiə Qoşunlarının müvafiq qüvvə və texnikası xarici vətəndaşların axtarışlarına cəlb edilib.
VOİCEPRESS.AZ
