Mərkəzi Amerikadan olan iki böyük miqrant qrupu Meksika ərazisindən qanunsuz keçdikləri ABŞ-ın Arizona ştatında saxlanılıblar.
VOİCEPRESS.AZ TASS-a istinadən xəbər verir ki, bu barədə çərşənbə günü Meksikanın “Noticias MVS” radiostansiyası məlumat yayıb.
Söhbət 4 aylıq körpədən 53 yaşlı şəxsə qədər olan 124 Qvatemala və Honduras vətəndaşlarından gedir. Amerika sərhədçiləri onlardan 7 kişi və bir qadının əvvəl ABŞ-a bir dəfə qanunsuz keçdiklərini və oradan geri deportasiya olunduqlarını müəyyən edib.
Hazırda Meksikanın ABŞ-la sərhəddə yerləşən Tixuana şəhərindəki yeni miqrant düşərgəsində 2,5 min nəfərdən çox adam var.
Bundan əvvəl Meksika-ABŞ sərhədini qanunsuz keçməyə cəhd edən 800 miqrant saxlanılıb.
VOİCEPRESS.AZ
