Fransanın Müdafiə naziri Florens Parli Avropa və ABŞ-ın Rusiya ilə döyüşmək istəmədiyini açıqlayıb.
Voice Press TASS-a istinadən xəbər verir ki, Parli Qərb ölkələrinin Ukrayna ətrafında yaranmış vəziyyət fonunda Moskva ilə hərbi münaqişəyə girmək istəyini belə qiymətləndirib:
“Heç bir Avropa ölkəsində və ABŞ-da Rusiya ilə müharibə etmək istəyi yoxdur. İstədiyimiz bu dəhşətli işğala tez bir zamanda son qoymaqdır” .
Onun sözlərinə görə, hazırda əsas məqsəd Ukraynanın şərqində atəşkəsin elan olunmasını təmin etməkdir.
Xatırladaq ki, fevralın 24-də Rusiya prezidenti Vladimir Putin Ukraynada hərbi əməliyyatın başlandığını elan edib.
