Ukrayna Ali Radasının deputatları arasında kütləvi dava baş verib. VOİCEPRESS.AZ “RİA Novosti”yə istinadən xəbər verir ki, qarşıdurmanın səbəbkarları deputatlar – Yuri Beryoza və Nestor Şufriç olub.
“NewsOne” telekanalının yayımladığı videokadrlarda deputatların bir-birinin üzərinə yumruqla hücum etdiyi görünür.
Belə ki, N.Şufriç tribunada siyasətçi Viktor Medvedçukun tənqid edildiyi plakatın asılmasına narazılığını bildirib. O, posteri qopartmasından sonra həmkarı Y.Beryoza ona hücum edib. Ardından iki deputatın qarşıdurması kütləvi davaya çevrilib və bundan daha çox deputat Yuri Boyko əziyyət çəkib.
Dava Ukrayna Pravoslav Kilsəsini adından məhrum edə biləcək qanuna görə səsvermədən sonra baş verib.
VOİCEPRESS.AZ
