ABŞ-ın Müdafiə Nazirliyi Əfqanıstandakı hərbçilərinin sayını iki dəfə azaltmağı planlaşdırır.
VOİCEPRESS.AZ xəbər verir ki, bu barədə Pentaqondakı mənbəyə istinadən “Military.com” nəşri məlumat yayıb.
“Yanvarın 2-də ABŞ-ın hərbi məmurları əvvəlki kimi həvəssiz şəkildə qoşunların Əfqanıstandan çıxarılması planını müzakirə etdilər, lakin strategiya ilə tanış olan mənbə “Military.com”a bildirib ki, (NATO-nun Əfqanıstanakı missiyasının komandanı general Ostin Skott) Miller növbəti 8-12 ay ərzində təqribən 14 min Amerika əsgərindən 7 minini ölkədən çıxarmağı planlaşdırır”, — deyə mətdə bildirilir.
Daha əvvəl ABŞ prezidenti Donald Tramp Amerikanın Əfqanıstandakı hərbçilərinin sayının azaldılması barədə qərar qəbul etmədiyini və Pentaqona müvafiq göstəriş vermədiyini bildirib.
VOİCEPRESS.AZ
