ABŞ Müdafiə Nazirliyinin (Pentaqon) nümayəndə heyəti Ankarada Türkiyə Müdafiə Nazirliyinin rəsmiləri ilə görüşüb.
VOİCEPRESS.az xəbər verir ki, bu barədə Pentaqonun mətbuat xidməti məlumat yayıb.
Görüş zamanı O kənarlaşdırıldığı F-35 döyüş təyyarəsi proqramı ilə bağlı məsləhətləşmələr aparılıb.
“ABŞ hakimiyyəti Türkiyənin F-35 proqramında əvvəlki iştirakı ilə bağlı məsələləri hörmətlə başa çatdırmaq niyyətindədir. Müzakirələr məhsuldar olub və nümayəndə heyətləri yaxın aylarda Vaşinqtonda yenidən görüşməyi planlaşdırır”, – deyə Pentaqon bildirib.
Qeyd edək ki, Türkiyə Rusiyadan S-400 zenit-raket kompleksləri almasından sonra ABŞ onu F-35 proqramından çıxarıb. Türkiyə Prezidenti Rəcəb Tayyib Ərdoğan ABŞ-dan proqram üçün ödənilən 1.4 milyard dolları geri almaq niyyətində olduğunu bildirib.
