İngiltərədə hakim Mühafizəkarlar Partiyasının adı açıqlanmayan deputatı zorlama və cinsi təcavüzdə şübhəli bilinərək saxlanılıb.
Voicepress.az İngiltərə mediasına istinadən xəbər verir ki, London Metropolitan Polis Xidməti (Met) bir şəxsin 2002-2009-cu illər arasında iddia edilən cinayətlərə görə həbsdə olduğunu təsdiqləyib. Lakin o, bu şəxsin kimliyi və millət vəkili olub-olmaması ilə bağlı ətraflı məlumat verməyib.
Mühafizəkarlar Partiyasından bildiriblər ki, araşdırma zamanı deputatdan parlamentin iclaslarına qatılmaması xahiş olunub.
Deputat həmçinin dövlət vəzifəsindən sui-istifadə və vəzifəsinə etimad göstərməməkdə ittiham olunub.
MET-in sözçüsü bildirib ki, “Bir nəfər cinsi təcavüz, zorlama, dövlət vəzifəsində etimadı doğrultmamaqda və səlahiyyətlərindən sui-istifadə etməkdə şübhəli bilinərək həbs edilib”.
Partiyanın nizam-intizam komitəsi isə deputatdan araşdırmalar bitənə qədər qədər parlamentdən uzaq durmağı xahiş etdiklərini təsdiqləyib.
\voicepress.az\
