31 nömrəli marşrut xətti üzrə avtobusların hərəkət trayektoriyasında dəyişiklik edilib.
Bakı Nəqliyyat Agentliyindən VOİCEPRESS.AZ-a verilən məlumata görə, bundan sonra 31 nömrəli marşrut xətti üzrə avtobuslar Abbasqulu Abbaszadə və İzzət Nəbiyev küçələrindən də keçəcək.
Bildirilib ki, məskunlaşma yerlərinin olmasına baxmayaraq, həmin küçələrdə hər hansı bir marşrut xətti olmayıb və sakinlərin çoxsaylı müraciətlərindən sonra agentlik belə bir addım atıb.
Qeyd edək ki, qarşıdakı 10 gün ərzində 31 nömrəli marşrut xətti üzrə avtobusların yenilənmiş sxem üzrə hərəkəti test ediləcək.
VOİCEPRESS.AZ
