“Qarabağ”ın Çempionlar Liqasının qrup mərhələsinin üçüncü turunda “Atletiko” ilə qolsuz heç-heçə etdiyi oyuna Türkiyə mətbuatı da biganə yanaşmayıb.
VOİCEPRESS xəbər verir ki, ölkənin bir çox KİV-i “Qarabağ”ın tarixi görüşü barədə yazıb. “NTV Spor” telekanalının saytı “Bakıda tarixi axşam”, “CNN Türk”ün saytı “Qarabağ” ilk xalını “Atletiko”dan aldı”, “Ajansspor” agentliyi “Qarabağ”dan tarixi xal”, “Goal.com”un Türkiyə versiyası “Qarabağ” 10 nəfərlə tarix yazdı” başlıqlı xəbərlər dərc edib.
Qeyd edək ki, “Qarabağ” “Atletiko” ilə matçın son 15 dəqiqəsini 10 nəfərlə keçirməsinə baxmayaraq, qapısını toxunulmaz saxlayıb. Bu, Ağdam klubunun ÇL-in qrup mərhələsindəki ilk xalı olub.
VOİCEPRESS.AZ
