Komitənin mətbuat xidmətinin rəhbəri Elçin Qədimov bildirib ki, Əli Həsənov tərəfindən belə bir qərar verilməyib və KİV-də yayılan informasiyalar həqiqəti əks etdirmir.
Dövlət Komitəsi təkzib etsə də, bu kimi məlumatlar məcburi köçkünləri narahat etməyə başlayıb.
VOİCEPRESS azvision.az-a istinadən bildirir ki, Milli Məclisin Xocalıdan seçilən deputatı Elman Məmmədov məsələ ilə bağlı açıqlamasında bu barədə hələlik rəsmi qərarın olmadığını deyib. Bildirib ki, yaxın zamanlarda bununla bağlı qərar qəbul olunacaq.
“Hazırda Şuşanın icra başçısı Bayram Səfərovla birlikdə cəbhə bölgəsindəyik. İnsanlarla görüşürük, onları dinləyirik. Burada görüşdüyümüz məcburi köçkünlərin ən çox maraqlandığı mövzu məhz budur. Bu məsələdə dəqiq bir söz deyə bilmərəm. Çünki rəsmi sənəd olmadan fikir yürütmək düzgün deyil. Yaxın vaxtlarda bununla bağlı qərar olacaq. Qərardan sonra məsələyə aydınlıq gətiriləcək”.
VOİCEPRESS.AZ