DOLAR
50,52 ₺
EURO
55,43 ₺
STERLİN
66,65 ₺
ALTIN
2.580,00 ₺
BITCOIN
93.500 ₺
FAİZ
50,00%
Siyasət İqtisadiyyat Ölkə içi Dünya Müsahibə Təhlil Sport Yazarlar Mədəniyyət YanPress
Menü
Dil
Русский Azerbaycan

Rusiya XİN-dən xəbərdarlıq: Ukraynada yerləşdiriləcək xarici hərbi qüvvələr Rusiyanın hədəfinə çevriləcək

Ukrayna ərazisində yerləşdiriləcək istənilən xarici hərbi kontingent Rusiya Silahlı Qüvvələri üçün qanuni hərbi hədəf hesab ediləcək.

|
Rusiya XİN-dən xəbərdarlıq: Ukraynada yerləşdiriləcək xarici hərbi qüvvələr Rusiyanın hədəfinə çevriləcək

Ukrayna ərazisində yerləşdiriləcək istənilən xarici hərbi kontingent Rusiya Silahlı Qüvvələri üçün qanuni hərbi hədəf hesab ediləcək.

VOİCEPRESS xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Fransa hərbçilərinin Ukraynada yerləşdirilməsi ilə bağlı yayılan məlumatları şərh edərkən bildirib.

Rusiya mediasının məlumatına görə, Zaxarova Moskvanın belə bir addıma münasibətinin əvvəlcədən bəlli olduğunu vurğulayıb.

“Bizim tərəfimizdən görüləcək tədbirlər Xarici İşlər Nazirliyində deyil, Müdafiə Nazirliyi və Baş Qərargahda müəyyənləşdiriləcək. Prezident Vladimir Putinin də bildirdiyi kimi, Ukraynada yerləşdiriləcək xarici qoşunlar Rusiya hərbçiləri üçün qanuni hədəfə çevriləcək. Ümid edirik ki, Paris bunu anlayır”, – deyə diplomat qeyd edib.

Zaxarova Fransa hərbçilərinin Ukraynada olması ilə bağlı RFI radiostansiyasının yaydığı məlumatların Moskva üçün gözlənilməz olmadığını bildirib. Söhbət “Volonté” əməliyyatı çərçivəsində Fransa hərbçilərinin Ukrayna ərazisində mümkün iştirakından gedir.

Rusiya XİN rəsmisinin sözlərinə görə, Moskva daha əvvəl də Ukraynada Qərb ölkələrinə, o cümlədən Fransaya məxsus hərbi mütəxəssislərin, təlimatçıların və muzdluların olduğunu iddia edib.

O, həmçinin Rusiya Xarici Kəşfiyyat Xidmətinin 2025-ci ilin oktyabrında Fransanın Ukraynaya hərbi kontingent göndərmək planları barədə açıqlamasını xatırladıb. Zaxarovanın sözlərinə görə, Fransa Prezidenti Emmanuel Makron da dəfələrlə belə bir addımın mümkünlüyündən danışıb.

Diplomat Parisin ölkə daxilində sosial-iqtisadi problemlər və etiraz aksiyaları fonunda Ukrayna münaqişəsində iştirakını genişləndirmək niyyətini də tənqid edib.

Qeyd edək ki, Ukraynada mümkün xarici hərbi kontingentin yerləşdirilməsi məsələsi Avropa ölkələri arasında təhlükəsizlik və müharibədən sonrakı təminatlar kontekstində müzakirə olunur. Belə bir qüvvənin tərkibi, mandatı və yerləşdirilmə şərtləri ilə bağlı yekun razılaşmanın əldə edildiyi barədə təsdiqlənmiş məlumat yoxdur.

Xatırladaq ki, Fransa və digər Avropa ölkələrinin Ukraynaya mümkün hərbi dəstəyi ilə bağlı müzakirələr Moskva ilə Qərb arasında gərginliyin daha da artması riskini gündəmə gətirir. Bununla belə, Fransa hərbçilərinin hazırda Ukraynada yerləşdirilməsi barədə iddialar müstəqil mənbələr tərəfindən təsdiqlənməyib.

VOİCEPRESS

BU KATEQORİYADAN OLAN DİGƏR XƏBƏRLƏR