Türkiyənin xarici işlər naziri Mövlud Çavuşoğlu Belçikanın paytaxtı Brüsseldə NATO Xarici İşlər Nazirləri toplantısından sonra mətbuat konfransı keçirib. Nazir Çavuşoğlu Buçada dinc əhalinin amansızlıqla qətlə yetirilməsinin Rusiya ilə Ukrayna arasındakı danışıqlar prosesinə kölgə saldığını bildirib.
Voicepress.az Türk mediasına istinadən xəbər verir k, Çavuşoğlu həmçinin bildirib ki, 30-a yaxın Türkiyə vətəndaşı və onların yoldaşları hələ də Ukraynadadır.
Türkiyənin Ukrayna ilə bağlı prinsipial mövqe nümayiş etdirdiyini vurğulayan Çavuşoğlu Buçada baş verənlərin danışıqlar prosesinə kölgə saldığını və Türkiyə olaraq Buçadan gələn görüntüləri qəbuledilməz hesab ediklərini qeyd edib.
Çavuşoğlu həmçinin bildirib ki, qarşıdakı dövrdə liderlər səviyyəsində üçtərəfli görüşün keçirilməsi barədə razılığa gəlinib.
\voicepress.az\
