Bu gün Ermənistanda “Müqavimət Hərəkatı”nın tərəfdarları İrəvanda Fransa meydanından Ermənistan Xarici İşlər Nazirliyinin binasına doğru yürüşə başlayıblar.

Voicepress.az Ermənistan mətbuatına istinadən xəbər verir ki, bir gün əvvəl parlamentin müxalifətdən olan vitse-spikeri İşxan Saqatelyan bəyan etmişdi ki, yürüş görüşdə iştirak etmək üçün gələn Rusiya xarici işlər naziri Sergey Lavrovun Ermənistana səfəri ilə eyni vaxta təsadüf edir. Saqatelyan xüsusilə qeyd edib: “Erməni xalqı artıq öz gündəliyini formalaşdırıb, bu gün Ermənistanın küçə və meydanlarında müzakirə olunur və müdafiə olunur. Beynəlxalq ictimaiyyətə, o cümlədən Ermənistana gələn beynəlxalq tərəfdaşlara təqdim olunur. Xalqımızın həyati maraqlarından irəli gələn prioritetlərin Ermənistan hakimiyyət nümayəndələrinin bağlı qapılar arxasında danışıqlar apardığı gündəmə heç bir aidiyyəti yoxdur. İunun 9-u, saat 09:00-da biz bir daha xalqımızın səsini eşitmək və strateji müttəfiqimizə bildirmək üçün “Place de France”a toplaşırıq ki, bağlı qapılar arxasında uduzmuş tərəf mövqeyindən danışan tərəf iradəsini ifadə etmir. Odur ki, onun bizim adımızdan hər hansı bir prosesi həyata keçirmək mandatı yoxdur”.

\voicepress.az\