Bakıda Ukrayna Ticarət Evi açılıb – FOTO

235844


Bakıda Ukrayna Ticarət Evi açılıb.

İqtisadiyyat Nazirliyindən verilən məlumata görə, bununla əlaqədar keçirilən tədbirdə Azərbaycanın İqtisadiyyat naziri Mikayıl Cabbarov, Ukraynanın İnfrastruktur naziri Vlasdislav Krikli, Ukrayna Ticarət və Sənaye Palatasının prezidenti Gennadi Çijikov iştirak ediblər.

Tədbirdə məlumat verilib ki, Ukrayna Ticarət Evi 2018-ci ilin aprelində təsis olunub. Logistik mərkəz və iqtisadi-ticarət məkanı rolunu oynayacaq Ukrayna Ticarət Evinin açılmasında məqsəd ölkələrimiz arasında işgüzar əlaqələrin, ikitərəfli ticarətin genişləndirilməsi, həmçinin, iş adamları arasında yeni əlaqələrin qurulmasına dəstək verilməsi, konsaltinq və digər kommersiya xidmətlərinin göstərilməsidi.

Ümumi sahəsi 1 000 kvadrat metr olan ticarət evində mühəndislik, metallurgiya, kimya sənayesi, aqrar-sənaye, habelə yüksək texnologiyalı məhsulların istehsalı sahələri üzrə ixtisaslaşmış 30-dək Ukrayna şirkəti iştirakçı kimi çıxış edir.

Açılış mərasimində İqtisadiyyat naziri Mikayıl Cabbarov Azərbaycan-Ukrayna iqtisadi-ticarət əlaqələrin uğurla inkişaf etdiyini vurğulayıb, Ukrayna Ticarət Evinin bu sahədə əhəmiyyətli platforma olacağına əminliyini ifadə edib və Ticarət Evinin işinə uğurlar arzulayıb.

Ukraynanın İnfrastruktur naziri Vlasdislav Krikli ölkəsinin Azərbaycanla əməkdaşlığa böyük önəm verdiyini və iqtisadi əlaqələrin inkişafında maraqlı olduğunu diqqətə çatdırıb, Ukrayna Ticarət Evinin biznes dairələri arasında tərəfdaşlıq münasibətlərinin genişlənməsinə əlavə imkanlar yaradacağını bildirib.

VOİCEPRESS

Əvvəlki məqaləÖzbəkistan Azərbaycana yeni marşrut üzrə tranzit qatarları buraxmağı planlaşdırır
Növbəti məqalədəRauf Vəliyev: “ASCO beynəlxalq şirkətlərlə əməkdaşlıqda maraqlıdır”

BIR CAVAB BURAXIN

şərhinizi daxil edin!
Buraya adınızı daxil edin