VOİCEPRESS bakıpost-a istinadən xəbər verir ki, bunu iqtisadçı Vüqar Bayramov deyib.
Onun sözlərinə görə, prezidentin belə bir fərman verməsi vacib idi: “Dövlət başçısının göstərişi ilə yaradılan Azərbaycan brendi çərçivəsində müxtəlif ölkələrdə, o cümlədən Avropa ölkələrində ölkəmizinin məhsullarının tanıdılması ilə bağlı işlər həyata keçirilib. Artıq bu günlərdə Almaniyada da belə bir sərgi təşkil olunmuşdu. Öncə isə Çində belə bir oxşar sərgi təşkil edilmişdi. Burada əsas məqsəd Azərbaycan brendlərinin tanıdılmasına nail olmaqdan ibarətdir.
Səfirliklərdə xüsusi ticarətlə məşğul olacaq, yəni birbaşa Azərbaycanda ixrac olunacaq məhsulların tanıdılması üçün səfirlik və konsulluqlarında ticarət nümayəndələri fəaliyyət göstərəcək. Böyük ehtimal inkişaf etmiş ölkələrdəki səfirliklərdə ticarət nümayəndələri təyin ediləcək. Daha məqsədə uyğundur ki, o ölkələrdə ticarət nümayəndələri fəaliyyət göstərsin. O ölkələr ixracat baxımdan ən əlverişli və böyük bazardır. Azərbaycan da həmin ölkələrdə ölkəmizin qeyri neft məhsullarını ixrac etmək niyyətindədir”.
Vüqar Bayramov hesab edir ki, daha çox inkişaf etmiş ölkələrdəki səfirliklərdə belə ticarət nümayəndələrinin təyin edilməsinə ehtiyac var idi: “Çünki post-neft dövründə qeyri-neft sektorunun ixracatı prioritetdir. Prioritet olduğu üçün bu işə səfirliklərin də cəlb edilməsinə ehtiyac var. Çünki qeyri-neft ixracatı birmənalı şəkildə asılıdır ki, hansı səviyyədə Azərbaycan məhsullarının tanıdılması mümkün olacaq. Ona görə də ilk növbədə böyük bazara malik olan inkişaf etmiş ölkələrdə bu proses başlayacaq. Amma bütövlükdə digər ölkələrdəki səfirliklərdə də birbaşa ticarətə, elə cədə ixracata məsul olan şəxsin fəaliyyət göstərməsi məqsədə uyğundur. Bu çox vacibdir”.

İqtisadçı bildirib ki, bir çox inkişaf etmiş, hətta inkişaf etməkdə olan ölkələrin belə xarici səfirliklərində ticarət nümayəndələri var: “Bununla ticari əlaqalərin genişləndirilməsinə və inkişaf etdirilməsinə nail olmaq mümkündür”.
Vüqar Bayramov əlavə edib ki, Azərbaycanın xarici ölkələrdə fəaliyyət göstərən səfirlik və konsulluqlarında ticarət nümayəndələrinin fəaliyyəti uğurla qurularsa, Azərbaycan iqtisadiyyatına müsbət təsir edə bilər.

VOİCEPRESS.AZ