VOİCEPRESS apasport.az-a istinadən xəbər verir ki, Azərbaycan çempionu “Azərreyl” Fransada “Sen-Rafael”in qonağı olacaq.
Bakı təmsilçisi rəqibi məğlub etmək gücündədir. Onlar bununla “Fənərbağça”ya “quru hesablı” məğlubiyyəti unutdurmağı da planlaşdırırlar. Voleybolçularımız qalib gələcəkləri halda, turnir cədvəlində mövqelərini də yaxşılaşdıracaqlar. Məğlubiyyət isə komandanın işini çətinə salacaq. Çünki növbəti görüşlərdə itirilən xalları qaytarmaq asan olmayacaq.
Qeyd edək ki, yarışda III turun matçları keçirilsə də, Famil Ağayevin yetirmələri II dövrənin oyununa çıxacaqlar. Buna səbəb Fransa çempionunun ev matçlarını ardıcıl keçirmək istəyidir.
Çempionlar Liqası
IV tur
C qrupu
23:30. “Sen-Rafael” (Fransa) – “Azərreyl” (Azərbaycan)
Hakimlər: Karol Hepp (Lüksemburq), Pasi Hakkaraynen (Finlandiya)
Frejyus, Jan Fransua Krakovski İdman Sarayı
VOİCEPRESS.AZ
