“Aİ-nin Ukrayna müharibəsi ilə bağlı özü üçün yeni hekayə yazmağın vaxtı çatıb”.
Voicepress.az Türkiyə mediasına istinadən xəbər verir ki, bu sözləri Türkiyə Prezidenti Rəcəb Tayyib Ərdoğan, 9 may “Avropa Günü” münasibətilə yayımladığı mesajənda qeyd edib.
Avropa İttifaqının (Aİ) son illərdə qurucu dəyərlərindən uzaqlaşdığını və üzv dövlətlərin qısamüddətli siyasətlərinin təsiri altında olduğunu bildirən Ərdoğan bu ifadələrə yer verib:
”Avropa inteqrasiyasının əsaslarını qoyan “Şuman Bəyannaməsi”nin elanı ilə 1999-cu ildən, Avropa İttifaqına (Aİ) namizədlik statusumuz qeydə alındıqdan sonra ölkəmizdə “Avropa Günü” kimi qeyd olunur. “Şuman Bəyannaməsi”nin əsasını təşkil edən ideyalar bütün dünyanı məhv edən müharibədən sonra Avropadakı fikir ayrılıqlarını və düşmənçiliklərini bir kənara qoyaraq, ölkələrin sülh, təhlükəsizlik, inkişaf və tərəqqi naminə bir araya gəlməsinə şərait yaratdı. AB isə keçmişdən bu günə qədər inkişaf etdirdiyi ortaq siyasətlərlə sülh layihəsi olmaqdan çox-çox kənara çıxıb.
Qurucu dəyərlərindən uzaqlaşan və üzv dövlətlərin qısamüddətli siyasətlərinin təsiri altına düşən Aİ-nin Ukrayna müharibəsi ilə bağlı özünə yeni hekayə yazmağın vaxtı çatıb. Avropanın ortasında, bütün dünyanın gözü qarşısında baş verən bu faciə Aİ üçün bir xəbərdarlıqdır.
Avropaya inteqrasiyanın əsaslarının qoyulduğu dövrdə olduğu kimi indi də həmrəyliyə, əməkdaşlığa, ən əsası uzaqgörən və cəsarətli perspektivə ehtiyac var. Türkiyə təkcə namizəd ölkə və NATO-nun müttəfiqi kimi deyil, həm də dərin köklü və güclü Aİ mükəmməlliyinə malik tərəfdaş kimi mövcud problemlərin aradan qaldırılmasına konkret töhfə verir.
Ukraynadakı müharibənin qlobal həddə çatan mənfi təsirləri Türkiyənin təhlükəsizlik, miqrasiya, təchizat zəncirləri və enerji başda olmaqla bir çox sahədə Aİ üçün nə qədər strateji əhəmiyyətli olduğunu bir daha təsdiqlədi. Getdikcə mürəkkəbləşən dünya səhnəsində fikir ayrılıqlarımızdan çox ortaq məxrəclərimizə, maraqların toqquşmasından çox müdafiə etdiyimiz əsas dəyərlərə diqqət yetirmək və Türkiyə-Aİ münasibətlərini bütün sahələrdə yaxşılaşdırmaq hər iki tərəfin maraqlarına uyğundur.
Türkiyənin hər cür maneəyə baxmayaraq səbir və qətiyyətlə davam etdiyi Aİ-yə tam üzvlük prosesi konstruktiv yanaşma ilə təşviq edilməlidir. Bu həm də Aİ-nin gələcəyə baxışı, nüfuzu və etibarı üçün vacibdir. Bu fikirləri nəzərə alaraq, Avropa Gününün ümumi coğrafiyamızda sülhə, firavanlığa və həmrəyliyə rəvac verməsini arzulayır və bütün avropalıları, xüsusən də vətəndaşlarımızı 9 May “Avropa Günü” münasibəti ilə təbrik edirəm.”
\voicepress.az\
