Həkimlər qeyd etdiyinə görə, hal-hazırda 50-80% uşaqlarda qamətin bu və ya digər əyrilikləri müşahidə olunur. 5-9% uşaqlarda isə onurğa sütununun ən ağır formalı deformasiyalarından hesab edilən və son nəticədə hətta əlilliyə də səbəb ola bilən skolioz xəstəliyi aşkar edilir.
Onurğanın ağır formalı əyrilikləri uşağı fiziki cəhətdən eybəcərləşdirir, onurğa sütununun donqarına və əlilliyə də gətirib çıxara bilir. Bundan başqa, onurğanın ağır formalı əyrilikləri bir çox orqan və sistemlərin (tənəffüs sistemi orqanları, ürək, böyrəklərin) fəaliyyətinə də mənfi təsir göstərir. Məhz buna görə ortoped həkimlər əksər hallarda boş yerə – “sağlam onurğa – sağlam insan deməkdir” ifadəsini işlətmirlər. Profilaktik olaraq uşağı ildə 1 dəfə həkim-ortopedə göstərmək lazımdır.
Müayinə zamanı uşağınızın onurğa sütununda hər hansı bir patoloji əyrilik aşkar edilərsə, onu tezliklə müalicə etmək məsləhət görülür.
VOİCEPRESS xəbər verir ki, Biloji Təbabət Klinikasında iyun ayı ərzində hər həftənin 2-ci günləri məktəblilər və anaları üçün ONURĞA SAĞLAMLIĞI AKSİYASI keçiriləcək.
Terapevt-osteopat Süleymanova Elfanə və Süleymanova Ülviyyə tərəfindən onurğa sütunun problemlərinin ilkin müayinsəsi ödənişsiz keçiriləcək.
VOİCEPRESS.AZ
