Ermənistan Avroviziya-2017-yə buraxılmaya bilər

0
314638

Ermənistanı Avroviziya-2017-də təmsil edəcək Artsvik Arutyunyan musiqi yarışmasından kənarda qala bilər.

VOİCEPRESS musavat.com-a istinadən bildirir ki,bununla bağlı Ermənistada ajiotaj yaşanır.

Məlumata görə, müğənninin ilhaq olunmuş Krım ərazisinə qanunsuz səfər etməsi səbəbindən mümkündür ki, o, Ukraynanın ev sahibliyi edəcək yarışa buraxılmasın. Bununla bağlı Rusiya mətbuatında da məlumatlar dərc olunub və məsələ ciddi müzakirə mövzusudur.

Hazırda Ukraynanın təhlükəsizlik xidməti ifaçının Krıma getməsi faktını araşdırır. Ukrayna daxili işlər nazirinin məsələhətçisi Anton Geraşenko deyib ki, əgər Arutyunyanın yarımadada olması sübuta yetirilsə, onunla bağlı fərqli qərar verilcək.

Qeyd edək ki, Kiyevdə baş tutacaq müsabiqənin yarımfinalı 9-11 may tarixlərində, final isə 13 mayda keçiriləcək. Artsvikin isə ilk yarımfinalda “Fly with me” (“Mənimlə uç”) mahnısını ifa edəcəyi bildirilirdi.

Ermənistan 9 mayda Monteneqro, Finlandiya, Gürcüstan, Portuqaliya, Belçika, İsveç, Albaniya, Avstraliya, Azərbaycan, Kipr, Sloveniya, Moldaviya, Çexiya, Latviya, İslandiya, Yunanıstan və Polşa ilə birgə çıxış etməli idi.

VOİCEPRESS.AZ

LEAVE A REPLY

Please enter your comment!
Please enter your name here