“İnvestisiyamızın ilk hissəsi bitdikdən sonra “SOCAR Türkiye Enerji A.Ş.” olaraq Türkiyənin ən böyük 3 holdinqindən biri, 2020-ci ilə qədər isə emal zavodu – neft-kimya – enerji – logistika – paylanma işlərinin inteqrasiyasını tamamlayaraq bütün bu sahələri əhatə edən Türkiyənin ən böyük istehsal mərkəzlərindən biri olmağı qarşımıza hədəf qoymuşuq”.

VOİCEPRESS apa-ya istinadən xəbər verir ki, bunu “SOCAR Türkiye Enerji A.Ş.”-nin baş icraçı direktoru Zaur Qəhrəmanov “Energy Bussines” jurnalına bildirib.

Z.Qəhrəmanov vurğulayıb ki, “SOCAR Türkiye Enerji A.Ş.”-nin Türkiyədə fəaliyyət göstərən xeyli sayda şirkəti və eyni zamanda icra olunan bir neçə layihələr var: “Bu iş sahələrinin SOCAR-ın qlobal strategiyası çərçivəsində qurulması və şirkətlərimizin məhsuldarlığını və rəqabətliliyini artırmaq üçün işlərimiz davam edir”.

VOİCEPRESS.AZ