Yaxın zamanlarda Azərbaycan prezidenti İlham Əliyevin Pakistana səfəri gözlənilir. VOİCEPRESS-in xəbərinə görə, bunu Pakistanın Azərbaycandakı səfiri Said Xan Mohmand bildirib.
O qeyd edib ki, Azərbaycanla Pakistan arasında əlaqələr genişlənir. Pakistan prezidenti və baş nazirinin Azərbaycana səfərlərini xatırladan səfir deyib ki, bu, iki ölkə arasındakı əlaqələrin daha da genişlənəcəyinə mesajdır.
“Bu il isə Azərbaycanla Pakistan arasındakı əlaqələr qurulmasının 25 illiyi olacaq. Azərbaycan prezidenti İlham Əliyevin də Pakistana səfər edəcəyi gözlənilir”.
O həmçinin qeyd edib ki, Pakistan Dağlıq Qarabağ münaqişəsinin həllində Azərbaycana dəstək verəcək.
VOİCEPRESS.AZ
