20 Yanvar şəhidlərinin qanlı paltarları saxlanılır

0
313994

“20 Yanvar şəhidlərinin qanlı paltarları bu günə qədər saxlanılır”.

VOİCEPRESS apa-ya istinadən xəbər verir ki, bunu bu gün Dini Qurumlarla İş üzrə Dövlət Komitəsinin təşkilatçılığı ilə 20 Yanvar faciəsinin 27-ci ildönümünə həsr edilmiş “20 Yanvar-Şəhidlik zirvəsi” mövzusunda keçirilən konfransda Qafqaz Müsəlmanları sədrinin müavini Fuad Nurullayev deyib.

F. Nurullayev bildirib ki, əslində şəhidlər paltarları ilə dəfn edilməli idi: “Ancaq o dövrdə insanlarımız bunu fərqli başa düşürdülər. Həmin vaxt Azərbaycan dövləti başsız idi, bir neçə ağsaqqal Qafqaz Müsəlmanları İdarəsinin sədri şeyxülislam Allahşükür Paşazadənin başına yığılmışdı. Şeyxülislam Allahşükür Paşazadə və ağsaqqallar da bunu nəzərə aldılar.

Ancaq şəhidlərin o qanlı paltarları saxlanıldı, bu gün də saxlanılır. Çünki bu, bir tarixdir. Bir məqamı da qeyd edim. O zaman şəhidlərin doğulduqları rayonlarda dəfn edilməsi istənilirdi. Rejim rəhbərləri istəyirdilər ki, şəhidlər müxtəlif rayonlarda dəfn olunsunlar, bu faciə də ört-basdır edilsin. Ancaq şəhidlərin köhnə Çəmbərəkənd qəbristanlığında dəfninə nail olundu. O qəbristanlıqda əsrin əvvəlində ermənilərin qətlə yetirdiyi insanlarımız dəfn edilmişdi”.

VOİCEPRESS.AZ

LEAVE A REPLY

Please enter your comment!
Please enter your name here