voicepress.az

SON DƏQİQƏ

Qarabağ savaşı bu tarixdə başlaya bilər...

18-10-2017, 10:18

Qondarma Dağlıq Qarabağın rəhbəri Bako Saakyan bir tərəfdən Azərbaycana qarşı psixoloji təzyiq elementindən istifadə edir, digər tərəfdən isə Rusiya-Ermənistan-Dağlıq Qarabağ gizli silah sövdələşməsinin mexanizmini açıqlayır.

VOİCEPRESS
axar.az-a istinadən xəbər verir ki, bu sözləri Qarabağ separatçılarının rəhbəri Bako Saakyanın Qarabağ ordusunun qarşıdakı 3 il ərzində sürətlə silahlanacağı barədə sözlərini şərh edən sabiq dövlət müşaviri Qabil Hüseynli deyib. Politoloq Rusiyanın Ermənistana kredit adı altında dağıdıcı silahlar göndərdiyini qeyd edib:

“Bu silahların içərisində dağıdıcı silahlar – raket texnikası, ağır odsaçan silahlar, xüsusən T-90 tankları üstünlük təşkil edir. Rusiya tərəfi bunu Ermənistana ayrılmış kredit kimi təqdim etsə də, əslində, bunlar hamısı pulsuz, heç bir ödəniş olmadan Ermənistana, oradan isə Dağlıq Qarabağa göndərilir. Aprel döyüşlərindən sonra Dağlıq Qarabağın müdafiə sistemləri daha da möhkəmləndirilib, ermənilər yeni silahlarla təchiz edilib və yeni silahların daxilolma prosesi davam edir. Ermənistan ordusunun müasir silahları mənimsəməsində Rusiyadan göndərilən təlimatçıların rolu böyükdür. ATƏT-in Minsk Qrupunun həmsədri olan bir ölkənin təcavüzkarı bu cür silahlandırması bölgəni barıt çəlləyinə çevirir. Bu, çox təhlükəli tendensiyadır”.

Politoloq Qarabağ separatçı qruplaşmasının qarşıdakı 3 il ərzində müdafiə potensialı və hücum gücünü artırmasının ölkəmizə qarşı hər hansı bir təxribat hazırlığı olmasını istisna etmədiyini bildirib:

“Belə bir hal, Qarabağda 3 ildən sonraya hesablanan təxribat, əlbəttə, mümkündür. Ermənistan ordusu yenidən qurulur. Rusiya istehsalı müasir silahlarla təchiz olunur. Bu, 3 illik proqram xarakterli hərbi silahlanmadır və Saakyanın bu barədə danışmasında müəyyən blef elementləri var. Bununla ölkəmizə psixoloji təzyiq göstərməyə çalışırlar. Onu da qeyd etmək lazımdır ki, Rusiya əvvəlkindən daha çox Ermənistana yardım etməyə başlayıb. Nəticə etibarı ilə bu gün bölgənin ən çox militaristləşdirilmiş, silahla təchiz edilmiş ərazisi Dağlıq Qarabağ və Ermənistandır. Ermənistan Avropada silahlar və silahlı qüvvələrin yerləşdirilməsinə dair müqavilənin kvota şərtlərini kobud şəkildə pozur. Burada hər bir dövlətin nə qədər silah və canlı qüvvəyə malik ola biləcəyindən bəhs edilir. Ermənistan isə nəzərdə tutulandan 26 dəfə çox kvotaya malikdir. Bütün bunlar onu göstərir ki, Ermənistan tərəfi hətta müəyyən edilmiş silah kvotasını pozmaqdan belə çəkinmir”.

Qeyd edək ki, Qarabağ separatçılarının rəhbəri Bako Saakyan qarşıdakı 3 il ərzində separatçı silahlı qruplaşmanın “döyüş hazırlığının” artırılması və vəziyyətinin yaxşılaşdırılması üçün müxtəlif proqramların həyata keçiriləcəyini deyib. O, Ermənistan ordusunun müasir hərbi texnika ilə təchiz olunacağını da bildirib.

VOİCEPRESS.AZ


Mətndə səhv var? Onu siçanla seçin və Ctrl+Enter düyməsini basın.
Oxunub: 1 249
ŞƏRH YAZ
OXŞAR XƏBƏRLƏR
XƏBƏR LENTİ
R" alt="Xətainin yeni icra başçısı müharibə veteranıdır - DOSYE" title="Xətainin yeni icra başçısı müharibə veteranıdır - DOSYE" width="80" height="50"/> 13.11.2019, 20:00
Xətainin yeni icra başçısı müharibə veteranıdır - DOSYE
BÜTÜN XƏBƏRLƏR
ARXİV
«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930 
YANPRESS


Flag Counter