voicepress.az

SON DƏQİQƏ

Deputat atasına heykəl qoyulmasından DANIŞDI

19-08-2017, 15:20

Milli Məclisin 64 saylı Sabirabad ikinci seçki dairəsindən seçilmiş deputatı Rüstəm Xəlilov atasına heykəl qoyulması ilə bağlı yayılan xəbərlərə və Şamaxı rayon sakini Ağamikayıl Cəbrayılovun ittihamlarına münasibət bildirib.
VOİCEPRESS xəbər verir kİ, R.Xəlilov ölkə.az-a açıqlamasında deyib ki, heykəlin fotosunu yayan şəxs Şamaxı sakinidir:

"Həmin adam Şamaxıda oturub bizim kəndə müdaxilə edir, cəfəngiyyat danışır. Onun söylədiyi fikirlərin hamısı iftira və yalandır. Birincisi, o heykəl deyil, büstdür. Atam sosialist əməyi qəhrəmanıdır, deputat olub. Sovet İttifaqı dövründə öz zəhməti və bacarığı hesabına xeyli sayda mükafat alıb. Ulu öndər Heydər Əliyev 7 dəfə bizim kəndimizdə olub, atamla xatirə fotoları var və sairə. İndi hansısa bir adam durub atam haqqında ağılına gələn cəfəng fikirlər səsləndirir. Mən həmin adama cavab verməyi belə özümə yaraşdırmıram".
Deputat qeyd edib ki, ona qarşı bu cür şər-böhtan xarakterli hərəkətlər davam etsə, məhkəməyə müraciət edəcək:

"Hələ istəmirəm ki, məsələ ilə bağlı məhkəməyə müraciət edim. Ancaq belə davam etsə, məcbur olub məhkəməyə müraciət edəcəm. Şamaxıdan olan həmin adam bizə şər-böhtan atır. O adamın qardaşı bizim kənddə yaşayır və bizim nəsilimizi yaxşı tanıyır. Atamın rayonumuz üçün gördüyü faydalı işlər bütün Azərbaycana məlumdur".

Xatırladaq ki, Şamaxı rayon sakini Cəbrayılov Ağamikayıl Oruc oğlu deputat Rüstəm Xəlilov barədə ciddi ittihamlar irəli sürüb.

O qeyd edib ki, deputat və qardaşı onun yaxın qohumlarına qarşı qərəzli olmaqla yanaşı, onları yaşadıqları kənddən sürgün etdirməyə çalışır.


VOİCEPRESS.AZ


Mətndə səhv var? Onu siçanla seçin və Ctrl+Enter düyməsini basın.
Oxunub: 1 839
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
YANPRESS


Flag Counter