voicepress.az

SON DƏQİQƏ

İstanbulda “İrəvanda xal qalmadı” İrəvanın güzəştlə verilməsinə diqqət çəkdi

29-12-2018, 15:49

Cümhuriyyətimizin 100 illiyində Səidə Ömər “İrəvanda xal qalmadı” kompozisiyası ilə Azərbaycanın tarixi torpağı olan İrəvanın mənimsənməsini də andı

İstanbul Universitetində Azərbaycan Mədəniyyət və Həmrəylik Birliyinin təşkilatçılığı ilə Azərbaycan Xalq Cümhuriyyətinin 100 illiyi və Dünya Azərbaycanlılarının Həmrəyliyi Günü münasibəti ilə “Bir kərə yüksələn bayraq, bird aha enməz” adlı tədbir təşkil olunub.

Mərasimdə rəsmi şəxslər, Azərbaycan və Türkiyə ictimaiyyətinin tanınmış nümayəndələri, elm və mədəniyyət xadimləri, tələbələr iştirak ediblər.

Azərbaycan Mədəniyyət və Həmrəylik Birliyinin qurucusu və başqanı Rəşid Mustafazadənin verdiyi xəbərə görə, tədbirdən öncə Türkiyədə yaşayan və fəaliyyət göstərən gənc rəssamların işlərindən ibarət rəsm sərgisinin açılışı baş tutub.

Rəşid Mustafazadə tədbir iştirakçılarina Azərbaycan Xalq Cümhuriyyətinin yaranması tarixindən qısa açıqlamalar verib, Məhəmməd Əmin Rəsulzadənin “Əsrimizin Siyavuşu” əsərində yer alan “Gəncliyə xitabı” səsləndirib.

Azərbaycan Mədəniyyət və Həmrəylik Birliyinin elmi məsləhətçisi, İstanbul Universitetinin professoru Həlim Qazan, Türkiyə ilə Azərbaycanın qardaşlıq münasibətlərinə toxunaraq, bu ənənələrin gənclərə də ötürülməsinin vacibliyini xüsusi qeyd edib.

Tədbirin panel hissəsində Azərbaycan Milli Məclisinin deputatı Aydın Hüseynov, İstanbul Universitetinin professoru Xəlil Bal və Balıkesir Universitetinin dosenti Səbahaddin Şimşirin çıxışları dinlənilib.

Mərasim geniş bədii proqramla davam edib. Sənətçilər Günel Zeynalova, Səidə Ömər, Mərdan Kazımov, Ayan Babakişiyeva, Sevinc Ağaşirinova, Emilia Ağasiyeva milli və vətənpərvər ruhda mahnı və rəqslər ifa ediblər.

Konsertdə milli rəqslərimiz qonaqların böyük marağına səbəb olub. “Azərbaycan rüzgarı” verilişinin yardıcısı və aparıcısı Səidə Ömərin “İrəvanda xal qalmadı” xalq mahnısına ifa etdiyi özəl rəqsi tədbir iştirakçıları çox maraqla qarşılayıblar.

Səidə Ömərin verdiyi xəbərə görə, Cümhuriyyətimizin yubilieyi və Dünya Azərbaycanlılarının Həmrəylik Günündə bu kompozisiya ilə çıxış etməsi həm də Azərbaycanın tarixi torpaqları olan İrəvanın işğalçı Ermənistan dövləti tərəfindən mənimsənməsinin 100 illiyiilə əlaqədardır: “Çox təəssüüf ki, sevinclə qeyd etdiyimiz Xalq Cümhuriyyətimizin 100 illiyilə yanaşı, 2018-ci ildə həm də tarixi torpaqlarımız olan qədim mədəniyyətlərimizin daşıyıcısı İrəvanın Ermənistana güzəşt edilməsinin 100 ili tamam olur. Ona görə də mən özəl olaraq bu kompozisiyanı hazırladım. Qardaş məmləkətimizdə, dünyanın ən yaxşı 500 universiteti siyahısına daxil olan, təhsil aldığım doğma İstanbul Universitetində düzənlənən bu tədbir vasitəsilə insanların diqqətini bu məsələyə çəkmək istədim. Bu səbəbdən də ilk dəfədir ki, Azərbaycan xanımlarının milli baş örtüyü olan kələğayı ilə “İrəvanda xal qalmadı” mahnısını ifa etdim. Həm də böyük ürək ağrısı ilə. Tarixi faktlar da sübut edir ki, İrəvan Azərbaycana məxsus olub. “İrəvanda xalq qalmadı” fəryadı da bu faktlara əlavədir”.

Sevil, Hurriyyet.org









VOİCEPRESS.AZ


Mətndə səhv var? Onu siçanla seçin və Ctrl+Enter düyməsini basın.
Oxunub: 848
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
YANPRESS


Flag Counter