Azərbaycanın Küveytdəki səfirliyində Diaspor Fəaliyyətinə Jurnalistlərin Dəstəyi İctimai Birliyinin (DFJD) rəhbəri Fuad Hüseynzadənin adından Küveyt və Ərəb Elektron Media Birliklərinin rəhbəri Feysal Xəlifə Əl-Savvağa Azərbaycan və Küveyt arasında müxtəlif sahələrdə əlaqələrin inkişafına verdiyi töhfəyə görə plaket təqdim olunub.
Əldə edilən məlumata görə, bununla bağlı Küveytin nüfuzlu “Dasmannews” nəşrində xəbər dərc olunub. Yazıda qeyd olunub ki, Azərbaycanın səfirliyi küveytli jurnalistin ölkəmizin dostu olduğunu qeyd edib. Feysal Xəlifə Əl-Savvağ, öz növbəsində, azərbaycanlı həmkarlarına təşəkkürünü bildirib, Azərbaycan və Küveyt arasında əlaqələrin daha da möhkəmlənməsi, həmçinin iki ölkənin media nümayəndələrinin əməkdaşlığının inkişafı istiqamətində fəaliyyətini davam etdirəcəyini söyləyib.
