Ukraynanın paytaxtı Kiyevin şimal-qərbində yerləşən Buça şəhərində Rusiya qüvvələrinin bölgədən geri çəkilməsindən sonra şəhərin küçələrində çoxsaylı dinc sakinin cəsdlərinin görüntülərini görən Avropa liderləri Putinin müharibə cinayəti törətdiyini bildirib.
Voicepress.az xəbər verir ki, Avropa liderləri Rusiya ordusu ilə bağlı araşdırma aparılmalı olduğunu bildiriblər. Ukraynadakı hadisələri pisləyən Böyük Britaniyanın baş naziri Boris Conson, “Rusiyanın İrpin və Buçada günahsız dinc sakinlərə qorxaqcasına hücumları Putin və ordusunun Ukraynada hərbi cinayətlər törətdiyinin bir daha sübutudur” deyib.
Daha sonra Conson qeyd edib ki, “Kremldən gələn heç bir təkzib və ya dezinformasiya hamımızın doğru olduğunu bildiyimiz həqiqətini dəyişdirə bilməz. Putin acizdir, onun işğalı uğursuzluğa düçar olur və Ukraynanın qətiyyəti heç vaxt bu qədər güclü olmayıb. Mən Putinin məğlubiyyəti üçün əlimdən gələni edəcəyəm. “Sanksiyalarımızı və hərbi dəstəyimizi artırmaqla yanaşı, yerdə ehtiyacı olanlara kömək etmək üçün humanitar dəstək paketimizi gücləndiririk”.
Böyük Britaniyanın Xarici İşlər Naziri Liz Trus Rusiya qüvvələrini Ukraynanın Buça və İrpin şəhərlərində dəhşətlər törətməkdə ittiham edib və bu hərəkətlərin müharibə cinayəti kimi araşdırılmasını tələb edib. “Rusiya qoşunları geri çəkilmək məcburiyyətində qaldıqca biz işğalçı qüvvələrin İrpin və Buça kimi şəhərlərdə dəhşətli hərəkətlərinin artdığını görürük. Rusiyanın Ukraynaya qanunsuz və ədalətsiz müdaxiləsi zamanı günahsız dinc sakinlərin amansızlıqla öldürülməsi müharibə cinayəti kimi araşdırılmalıdır. Biz Rusiyanın bu vəhşiliyi rüsvayçı dezinformasiya yolu ilə ört-basdır etməsinə icazə verməyəcəyik. Britaniya bunun baş verməməsi üçün üzərinə düşəni edəcək”, deyə Truss bildirib.
Avropa liderləri Buçadakı hadisələrə reaksiya verərkən, Avropa Komissiyasının sədri Ursula von der Leyen hərbi cinayətkarların məsuliyyətə cəlb edilməli olduğunu bildirib. Leyen, Buça hadisələri ilə bağlı verdiyi açıqlamada, “Rusiyanın geri çəkildiyi bölgələrdəki izahı mümkün olmayan dəhşət xəbərlərindən dəhşətə gəldim. Təcili olaraq müstəqil araşdırmalıdır. Müharibə cinayətlərinin səbəbkarları cavab verəcək” deyib.
Almaniya kansleri Olaf Şolz Buçadakı hücumun görüntülərini olduqca dəhşətli adlandırıb.
“Biz Rusiya hərbçiləri tərəfindən törədilən bu cinayətləri araşdırmalıyıq. Mən tələb edirəm ki, beynəlxalq təşkilatlara bu ərazilərə giriş imkanı verilsin ki, onlar vəhşilikləri müstəqil şəkildə sənədləşdirə bilsinlər. Cinayətkarlar və onları sifariş edənlər cinayət məsuliyyətinə cəlb edilməlidir”, deyə Şolz bildirib.
Almaniyanın xarici işlər naziri , “Putinin zorakılığı günahsız ailələri məhv edir və sərhəd tanımır” deyərək, “Müharibə cinayətlərinə görə məsuliyyət daşıyanlar cavab verməlidir. Rusiyaya qarşı sanksiyaları sərtləşdirəcəyik və Ukraynanı daha da dəstəkləyəcəyik” deyib.
Fransa prezidenti Emmanuel Makron Buçadakı görüntüləri “dözülməz” adlandırıb və “Rusiya hakimiyyəti bu cinayətlərə görə cavab verməli olacaq” deyib.
İtaliyanın Baş naziri Mario Draqi Rusiyanın Buçada mülki şəxslərə qarşı zorakılıq iddialarını pisləyərkən, mətbuat ofisi açıqlamasında,
“Buçada və Ukrayna ordusunun azad etdiyi digər ərazilərdə törədilən cinayətlərin görüntüləri bizi dəhşətə gətirir. Silahsız mülki əhaliyə qarşı törədilən qırğınlar qorxulu və dözülməzdir. Rusiya səlahiyyətliləri Dərhal döyüşləri dayandırmalı, mülki insanlara qarşı zorakılığı dayandırmalı və baş verənlərin hesabını verməliyik” deyib.
İspaniyanın Baş naziri Pedro Sançez Buçada öldürülən mülki şəxslərin görüntülərini gördükdən sonra qorxu, ağrı və qəzəb hiss etdiyini ifadə edərək, “Tədqiq edilmiş hərbi cinayətlər cəzasız qala bilməz. Bizim bütün həmrəyliyimiz və dəstəyimiz Ukrayna xalqı ilədir” deyib.
Birləşmiş Millətlər Təşkilatının (BMT) baş katibi Antonio Quterreş sosial media hesabından verdiyi açıqlamada isə, “Ukraynanın Buça şəhərində öldürülən mülki şəxslərin görüntüləri məni dərindən sarsıtdı. Müstəqil araşdırmanın effektiv hesabatlılığa gətirib çıxarılması vacibdir” deyib.
