Pakistanın İnsan Hüquqları üzrə Milli Komissiyasının sədri Dağlıq Qarabağda qondarma “seçkilər”i pisləyib

183680

Azərbaycanın işğal olunmuş ərazilərində martın 31-də keçirilməsi planlaşdırılan qondarma “prezident” və “parlament” seçkiləri ilə bağlı Pakistanın İnsan Hüquqları üzrə Milli Komissiyasının (National Commission for Human Rights) sədri Əli Nəvaz Çohan bəyanat verib.

Azərbaycanın Pakistandakı səfirliyindən  verilən məlumata görə, Beynəlxalq Ədalət Məhkəməsinin sabiq hakimi və tanınmış hüquqşünas olan Ə.N.Çohanın verdiyi bəyanatda Dağlıq Qarabağ bölgəsi işğal altında olduğundan, burada “seçkilər”in keçirilməsinin qeyri-qanuni, beynəlxalq norma və prinsiplərə zidd olduğu bildirilir və “seçkilər”in keçirilməsi qəti şəkildə qınanılır.

Bəyanatda deyilir: “Mən 31 mart 2020-ci il tarixində Ermənistanın işğal etdiyi Azərbaycana məxsus Dağlıq Qarabağ ərazisində formalaşdırdığı qeyri-qanuni rejim tərəfindən keçirilməsi planlaşdırılan qondarma “parlament” və “prezident” seçkilərini qəti şəkildə pisləyirəm və Azərbaycana verdikləri dəstəkdə öz hökumətimə və BMT-yə qoşuluram. Həmçinin, Xocalı şəhərində Azərbaycanın mülki əhalisinə qarşı Ermənistan tərəfindən törədilmiş soyqırımını da bir daha qınayıram. Ermənistan törətdiyi təcavüzə və Soyqırımına görə cavab verməli olacaq”.

Qeyd edək ki, sözügedən bəyanat Pakistanın Dispatch News Desk, Diplomatic News Agency xəbər agentlikləri, həmçinin Islamabad Post qəzeti və digər KİV-ləri tərəfindən yayılıb. 

Əvvəlki məqaləAzərbaycan Prezidenti “Fövqəladə vəziyyət haqqında” Fərmanda dəyişiklik edib
Növbəti məqalədəAvropa Komissiyası: “İllərdir ki, Azərbaycan və Avropa İttifaqı mühüm tərəfdaşdır”