Gürcüstanın Baş naziri Azərbaycan Prezidentini təbrik edib

165549

Gürcüstanın Baş naziri Giorgi Qaxaria fevralın 10-da Azərbaycan Respublikasının Prezidenti İlham Əliyevə telefonla zəng edib.

VOİCEPRESS xəbər verir ki, bu barədə Prezidentin Mətbuat Xidmətinin məlumat yayıb.

Giorgi Qaxaria Prezident İlham Əliyevin rəhbərlik etdiyi Yeni Azərbaycan Partiyasının parlament seçkilərində inamlı qələbə qazanması münasibətilə dövlətimizin başçısına təbriklərini çatdırıb.

Prezident İlham Əliyev göstərilən diqqətə və təbrikə görə minnətdarlığını bildirib.

Azərbaycan Prezidenti və Gürcüstanın Baş naziri ölkələrimiz arasında dostluq münasibətlərinin inkişafından məmnunluqlarını ifadə edərək, əlaqələrimizin bundan sonra da genişlənəcəyinə əmin olduqlarını bildiriblər.

Əvvəlki məqaləABŞ-ın Suriya üzrə xüsusi nümayəndəsi yenidən Türkiyəyə səfər edəcək
Növbəti məqalədəCavuşoğlu: “Türkiyə və Rusiya prezidentlərinin İdliblə bağlı danışıqları davam edəcək”