Güləş üzrə ölkə çempionatının ilk qalibləri müəyyənləşdi

0
314149

Bu gün Bakı İdman Sarayında keçirilən böyüklər arasında sərbəst və yunan-Roma güləşi üzrə ölkə çempionatının ilk qalibləri müəyyənləşib. VOİCEPRESS.AZ xəbər verir ki, çempionatın ikinci günündə 55, 60, 63, 67, 72, 77, 82, 87, 97 və 130 kiloqramadək çəki dərəcələrində yunan-Roma güləşçiləri final qarşılaşmalarında medallar uğrunda güclərini sınayıblar.

Dünya Güləş Birliyinin (UWW) qaydalarına uyğun təşkil olunan yarışda Ziya Zeynalov (55kq), Murad Bazarov (60 kq), Taleh Məmmədov (63kq), Elman Muxtarov (67 kq), Rüstəm Əliyev (77 kq), Elvin Mürsəliyev (82 kq), Rafiq Hüseynov (87 kq), Arif Niftullayev (97 kq) və Oyan Nəzəriani (130 kq) fəxri kürsünün ən yüksək pilləsinə qalxıblar.

Çempionatda sərbəst güləşçilərin yarışında qızıl və bürünc medallar uğrunda qarşılaşmalar dekabrın 20-də keçiriləcək.

VOİCEPRESS.AZ

LEAVE A REPLY

Please enter your comment!
Please enter your name here