Bu sözləri VOİCEPRESS-ə Xalq Ulduzu tele layihəsinin yetirməsi olan, müğənni Həlimə Dağlarqızı deyib. O, bildirib ki, Elza Seyidcahanı mən ciddi müğənni kimi qəbul etmirəm: “O, səsi və mahnıları ilə deyil, yazdığı heç bir çərçivəyə sığmayan gülməli şeirləri ilə gündəmdə qalmağa üstünlük verir. Düzü acınacaqlı haldır, bu xanım bu şeirləri ilə mədəniyyətimizə zərbə vurur, poeziyamızı ləkləyir. Səviyyəsiz şeirləri ilə necə əməkdar artist adı alır, bunu anlamıram. Elza xanıma təklif edirəm ki, biabırçı şeirlərlə gündəmə gəlməkdənsə, gəlsin canlı-canlı oxuyaq. Görək kim daha çox əməkdar artist adına layiqdir?!”
“Elza Seyidcahan səviyyəsiz şeirləri və ya ha-ha-ha deyilən “mahnıları” ilə necə əməkdar və ya xalq artisti adını alır? Bəlkə, bilmədiyimiz nə isə sənət incəliyi var, mən öyrənməyə hazıram. Yox, əgər xanəndənin səsinə görə bu ad verilirsə, bu meydan bu biz, bu da şəffaf sürətdə incəsənət nümayəndələrinin ad qazanmasını sübut etmək üçün fürsət…”