Türkiyənin Azərbaycandakı səfiri AzTU-da olub

0
313619

Azərbaycan Texniki Universitetinin (AzTU) rektor əvəzi Xalıq Yahudov Türkiyənin Azərbaycandakı səfiri Erkan Özoralı qəbul edib. Səfirə universitet haqqında geniş məlumat verən rektor əvəzi AzTU-nun beynəlxalq əlaqələrindən, Türkiyə universitetləri ilə əməkdaşlığından danışıb. Bildirilib ki, müstəqillik illərində Azərbaycanla Türkiyə əlaqələri qurulandan bu günə kimi universitetdə çoxlu sayda türk tələbə təhsil alıb. Bu ənənənin bu gün də davam etdirildiyini bildirən Xalıq Yahudov AzTU-nun Türkiyənin bir neçə texniki ali məktəbləri ilə də sıx əməkdaşlıq etdiyini vurğulayıb.

VOİCEPRESS xəbər verir ki, Səfir Erkan Özoral, öz növbəsində, universiteti ziyarətindən məmnunluğunu ifadə edib. AzTU-nun türk tələbələrə qayğısını və Türkiyə universitetləri ilə əlaqələrini yüksək qiymətləndirən səfir yeni proqram və layihələrin həyata keçirilməsi ilə bağlı fikirlərini də bölüşüb.

Hazırda Türkiyə ali təhsil ocaqlarında 13000 azərbaycanlı tələbənin və Azərbaycan universitetlərində 3000 türk tələbənin təhsil aldığını deyən səfir Erkan Özoral onların gələcəkdə ölkələrarası əlaqələrdə körpü olacaqlarını vurğulayıb.

Sonra səfir AzTU-da təhsil alan türk tələbələrlə görüşüb. Görüşdə tələbələrə daima Azərbaycan-Türkiyə əlaqələrinin inkişafı üçün çalışmaq, Azərbaycanı Türkiyə kimi sevmək, maraqlarını qorumaq tövsiyə edib.

VOİCEPRESS.AZ

LEAVE A REPLY

Please enter your comment!
Please enter your name here