“YouTube”da uşaqlar üçün təhkükəli videolar yayılıb – Valideynlərə xəbərdarlıq!

385436

“YouTube” video plaformasında məşhur çizgi film obrazlarının iştirakı ilə qorxulu və təhlükəli videolar yayılıb.

VOİCEPRESS axşam.az-a istinadən bildirir ki, “Peppa Peg” adlı çizgi film seriyalarına bənzəyən bir videoda Peppanın dişləri iynə ilə çəkilir, ağrıdan ağlayan bir səs eşidilir.

Jurnalist Laura June üç yaşlı qızının bu videoya baxdığını görüb və videonun təhlükəli mesajlar verdiyini təxmin edib.

“BBC Trending” “YouTube”da bu tip videoları taparaq araşdırmağa başlayıb. Yüzlərlə videoda “Frozen”, “Minions”, “Doc McStuffins”, “Thomas” və digər film qəhrəmanlarının parodiyası və qorxulu anları təsvir edilib.

Məsələn, “Youtube”dakı məşhur uşaq kanallarından birinin fotosunda animasiya qəhrəmanları göstərilsə də, həmin kanala daxil olanda “Qanlı Elza”, “Hörümcək adam Elzanın qolunu sındırdı”, “Çılpaq Hulk şalvarını itirdi” kimi videoları görmək mümkündür.

Bəzi videolar silinsə də, mütəxəssislər valideynləri diqqətli olmağa çağırır.

“YouTube” rəsmiləri isə açıqlama verərək bildiriblər:

“Şikayətləri ciddiyə alırıq. Problemli videolarla bağlı bizi xəbərdar edənləri diqqətə alırıq və bir videonu şikayət etməni asanlaşdırırıq. Şikayət edilən videolar analiz edilir və uyğun deyilsə, silinir. Valideynlərə məsləhət görürük ki, “YouTubeKids” proqramından istifadə etsinlər və parametrlərdə sərhədləri müəyyən etsinlər”.

VOİCEPRESS.AZ

Əvvəlki məqaləÖlkəmizdə gənc nəslin elmə və təhsilə cəlb olunması üçün mühüm addımlar atılır
Növbəti məqalədəSəpgilər əleyhinə evdə hazırlanılan krem

BIR CAVAB BURAXIN

şərhinizi daxil edin!
Buraya adınızı daxil edin