Qənirə Paşayevanın Burdur məktəblərində Qarabağ həqiqətlərinin öyrədilməsi təklifi dəstəklənib

0
314742

Millət vəkili Q.Paşayevanın Burdur məktəblərində Azərbaycan həqiqətlərinin öyrədilməsi təklifi müsbət qarşılanıb.

VOİCEPRESS xəbər verir ki, millət vəkili Q.Paşayevanın Burdur məktəblərində Azərbaycan, Qarabağ həqiqətlərinin öyrədilməsi ilə bağlı tədbirlərin artması Burdur İl Milli Eğitim Müdürluyü tərəfindən dəstəklənib.

Millət vəkili Q.Paşayeva Burdur İl Milli Eğitim Müdürü Mahmut Bayramla görüşündə Qarabağ həqiqətlərinin daha geniş yayılmasında, qondarma erməni soyqırımı yalanlarına qarşı mübarizəmiz daha da güclənməlidir deyib.

Millət vəkili, Dr. Qənirə Paşayeva Azərbaycan həqiqətləri, Dağlıq Qarabağ münaqişəsi, Xocalı Soyqırımının Burdur məktəblərində öyrədilməsinə ehtiyac olduğunu deyib. Millət vəkili Qənirə Paşayeva bunun üçün lazım olan kitab, material, sənədli filmlərin rəhbərlik etdiyi Avrasiya Beynəlxalq Araşdırmalar İnstitutu İb tərəfindən Universitetə hədiyyə ediləcəyini də deyərək bunun vacibliyi və əhəmiyyəti barədə geniş fikir mübadiləsi aparıb. Burdur İl Milli Eğitim Müdürü Mahmut Bayram təklifi dəstəkləyib və bu məsələyə baxılacağını bildirib. Təşəkkürünü bildirən millət vəkili Qənirə Paşayeva Burdur İl Milli Eğitim Müdürü Mahmut Bayrama Azərbaycan həqiqətləri və mədəniyyəti ilə bağlı materialları hədiyyə edib.

Millət vəkili Q.Paşayeva həmçinin özünün həmmüəllifi olduğu “Karabağ hikayeleri” kitabını və digər kitablarını hədiyyə edib. Görüş zamanı Azərbaycan-Türkiyə münasibətləri, bölgədə getdikcə daha da gərginləşən vəziyyət, Türk dünyasının bir sıra qanayan yaraları ətrafında söhbətlə yanaşı gənclərin təhsilə,oxumağa,öyrənməyə daha çox meyilləndirilməsinin önəmi barədə də geniş fikir mübadiləsi aparılıb.


VOİCEPRESS.AZ

LEAVE A REPLY

Please enter your comment!
Please enter your name here