Amerika KİV-ləri Rusiyanın BMT-dəki səfiri Vitali Çurkinin qəfil ölümünün səbəbini yazıb. Diplomat qəfil ürək tutmasından ölüb.
VOİCEPRESS xəbər verir ki, “The New York Post” qəzetinin yazdığına görə diplomat Nyu York vaxtı ilə 9.30-da, (Bakı vaxtı ilə 18.30) yəni səhər tezdən işdə olarkən “ürəyində yaranan problemlərlə bağlı” özünü pis hiss edib. Çurkin təcili xəstəxanaya aparılıb, lakin tibb işçilərinin səylərinə baxmayaraq vəfat edib.

Çurkin Rusiya diplomatiyasının “qırğılarından” hesab olunurdu və həmişə BMT Təhlükəsizlik Şurasında Ukrayna, Suriya, Liviya, İranın nüvə böhranı kimi kritik məsələlərdə kompromissiz mövqe tutub, habelə qərbin ünvanına tikanlı ifadələri ilə tanınıb.

VOİCEPRESS.AZ